Қазақстандық танымал боксшы Данияр Елеусінов жартылай орта салмақта IBO ұйымының толыққанды чемпионы атағы үшін айқас өткізеді. Бұл туралы боксшының менеджері Зия Алиев мәлімдеме жасады.
– Олимпиада чемпионы Данияр Елеусінов биыл IBO ұйымының негізгі белбеуі үшін жұдырықтасады. Бұл айқас 18 желтоқсан Нұр-Сұлтандағы Жақсылық Үшкемпіров атындағы жекпе-жек сарайында өтеді. Аталған бокс кеші Қазақстан Тәуелсіздігінің 30 жылдығына орай ұйымдастырылады. Бұл әлемдік деңгейдегі шоу болады. Данияр осы сәтті ұзақ күтті. Қарсыластың есімі жақын уақытта белгілі болады, – деді Зия Алиев.
