Атырау облыстық Денсаулық сақтау басқармасы баспасөз қызметі өкілінің айтуынша, жүкті әйел кеше қалалық перзентхананың қабылдау бөліміне жүктіліктің 39-аптасында ауыр жағдайда келген.
Іштің өткір ауырсынуына шағымданған әйел жедел операция бөліміне ауыстырылған.
Атырау қалалық перзентханасының директоры Гүлзейнеп Дүйсіпованың айтуынша, салмағы 4 келі болатын нәресте аман. Операция кезінде дәрігерлер босанған әйелден гангренозды аппендицитті анықтады және оны хирургтар алып тастады. Сондай-ақ науқаста кіндік жарығының бұзылуы байқалды, оған да ота жасалды.
Қазір үш операциядан кейін ана мен бала өзін жақсы сезінеді. Бала емшек сүтімен қоректенеді.
