Бокстан Бусто-Арсицио (Италия) қаласында өтіп жатқан лицензиялық турнирде әлем чемпионатының 2 мәрте жүлдегері Алуа Балқыбекова алғашқы жекпе-жегін өткізді, деп хабарлайды Aikyn.kz.
Бокс федерациясының мәліметінше, олимпиадалық салмаққа ауысқан (50 кг) боксшымыз сәтті дебют жасады.
28 жастағы отандасымыз Чехияның жас боксшысы Клаудиа Тотовамен кездесіп, 3 раунд бойы айқасты өз бақылауында ұстады. Есеп: 5:0.
Айта кетейік, Алуа Балқыбекова бірінші мәрте Олимпиада жолдамасына таласып жатыр.