Жұма, 20 қарашаға қараған түні жол талғамайтын Mercedes G500 көлігімен Ресейдің екі депутаты көп қабатты үйдің кіреберісіндегі баспалдақты көлікпен өте шықпақшы болған.
Бұл туралы Zaxid.net басылымы жариялады. Оның екеуі – Николай Пушчак пен Андрей Жидачек. Олар «Еуропалық ынтымақтастықтың» партиясынан жаңадан сайланған депутат. Сонымен қатар, Андрей Пустомыт қалалық кеңесінің хатшысы, оның қасындағының бірі – жүргізушісі.
Оқиға түнгі сағат 00:10-дар шамасында Пустомытдағы Радоцинская көшесіндегі №2 үйдің жанында болған. Бейнетаспадан машинаның көпқабатты тұрғынүйдің ауласына кіріп келіп, кіреберістің алдындағы баспалдақта тоқтап қалған. Біраз уақыттан кейін машина қайта қозғалып, баспалдақпен көтеріліп, дәл есіктің алдына тұрмақшы болады. Бірақ ол әрекетінен ештеңе шықпайды. Соған қарамастан олар қайта бағын сынамақшы болады. Бұл жолы көліктің бір жағы баспалдақтың жиегіне шығып, бір жаққа қисайып қалады. Содан олар көлікті артқа беріп, қайта түскен.
Бір уақытта гүрілдеп тұрған көліктен үш ер адам шығып, оның біреуі көліктің нөмірін шешіп алды. Өзара сөйлесіп тұрғанда, такси келіп, екеуі соған отырып кетеді. Ал Андрей Жидачек үйге кіріп кетеді. Газеттің болжамынша, олар ішімдік ішіп мас болған. Ол осы көпқабатты тұрғынүйден пәтер жалдайтын көрінеді.
Ертеңінде депутат үй тұрғындарынан кешірім сұрап, қиратқан баспалдақты қалпына келтіріп, өрт сөндіргіштер мен бақылау камераларын сатып әперуге уәде берді. Сондықтан тұрғындар полицияға арыз жазбады.
