Жедел іздестіру бөлімінің қызметкерлері Алматының шағын аудандарының бірінде жаяу жүргіншіні қағып кеткен жүргізушіні тапты.
Оқиға кешкі уақытта Шаңырақ-2 шағын ауданында болған. Куәгерлердің айтуынша, автокөлік Рахимов көшесі бойымен қатты жылдамдықпен келе жатып, ер адамды қағып кетіп, оны 50 метрге жуық жерге сүйреп кеткен. Содан кейін шетелдік көліктің жүргізушісі Жанқожа батыр көшесіне шығып, белгісіз бағытқа ізін суытқан.
Жәбірленуші жедел жәрдем келгенге дейін оқиға орнында тіл қатпастан жүріп кетті. Ол - 1989 жылы туған.
Жол-патрульдік полиция қызметкерлерімен және криминалистермен бірге оқиға орнына іздестіру бөлімінің өкілдері шықты. Олар куәгерлермен сөйлесіп, көшедегі бақылау камераларынан бейнелерді зерттеп, оқиға орнынан жасырынған шетелдік көліктің нөмірі мен иесінің жеке басын анықтай алды. Түнгі сағат екі шамасында ол ұсталды.
Қазір полиция оқиғаның жай-жапсарын анықтап жатыр. Жол-көлік оқиғасына кінәлі адам көлік жүргізбестен бұрын алкоголь немесе басқа да тыйым салынған заттарды тұтынғанын анықтау үшін медициналық куәландыруға жеткізілді.
