Мәскеу облысындағы Кубинка әуе айлағының маңында Ил-112В жаңа әскери-транспорттық ұшағы жаттығу кезінде апатқа ұшарады, деп хабарлайды ТАСС агенттігі Бірлескен авиақұрылыс корпорациясына сілтеме жасап.
«Жаттығу мақсатындағы ұшу сапары кезінде Кубинка әуеайлағына қонуға жақындағанда орман алқабында Ил-112В жеңіл әскери-транспорттық ұшағы апатқа ұшырады», - делінген хабарламада.
Оқиғаның мән-жайы анықталып жатыр. Корпорация апаттың себептерін анықтау үшін арнайы комиссия құратынын хабарлады.
Бірлескен авиақұрылыс корпорациясының мәліметінше, ұшақ бортында үш адам болған. Алдын ала мәлімет бойынша, ешкім тірі қалмаған.
https://www.youtube.com/watch?v=xlr3OB8BK2Q
