Өзбекстан Ауғанстанның бұрынғы президенті Ашраф Ғани мен өзге де саяси тұлғалардың республика аумағында жоқтығын хабарлады. Бұл жөнінде көрші елдің сыртқы істер министрлігіне қарасты «Дунё» ақпараттық агенттігі мәлімдеді, – деп жазады 24.kz.
"Соңғы уақытта БАҚ пен әлеуметтік желілерде Өзбекстан аумағында Ауғанстанның саяси қайраткерлері мен этникалық топ жетекшілерінің болуы туралы хабарламалар жариялануда.
Атап айтқанда, Ашраф Ғани, Абдурашид Дустум, Ата Мұхаммед Нұра және басқалардың есімдері аталады. Ресми мәліметтерге сәйкес, мұндай ақпарат шындыққа сәйкес келмейді", – делінген хабарламада.
