Ресейдің арнайы операциясы нәтижесінде Украинаның әуе күштері мен әуе шабуылына қарсы қорғаныс жүйесі толығымен дерлік жойылды, - деп хабарлады РИА Новости.
Бұл туралы Ресей Қарулы Күштері Бас штабының бас жедел басқармасының бастығы Сергей Рудской хабарлады.
Ол сондай-ақ Украинаның "Әскери-теңіз күштерінің" жойылғанын атап өтті.
Генералдың айтуынша, Украинаны қарусыздандыру әскери инфрақұрылым нысандарына, құрамалар мен әскери бөлімдердің орналасқан жерлеріне, аэродромдарға, командалық пункттерге, қару-жарақ пен әскери техниканың арсеналдары мен қоймаларына жоғары дәлдікпен соққы беру, сондай-ақ қару-жарақ пен әскери техниканың әрекеті арқылы жүзеге асырылады.
"Өкінішке орай, арнайы әскери операция кезінде жауынгер жолдастарымыз шығынға ұшырап, бүгінгі күні 1351 әскери қызметкер қаза тауып, 3825-і жарақат алды", - деді ол.
"Ресейдің Украинадағы арнайы операциясының бірінші кезеңінің негізгі міндеттері аяқталды, Украинаның жауынгерлік әлеуеті айтарлықтай төмендеді", - деді Рудской.
Ресей Федерациясы Қорғаныс министрлігінің хабарлауынша, украин әскерлерін зымыран мен оқ-дәрілермен, жанар-жағармаймен және азық-түлікпен қамтамасыз ету толығымен дерлік тоқтатылды.
