«Қазгидрометтің» мәліметінше, солтүстік-батыс антициклоны әсерінен күн салқындайды.
Тек қана оңтүстікте күн жылы болады. Атмосфералық фронт әсерінен республиканың басым бөлігінде жаңбыр жауады.
8 қыркүйекте шығыста, 10 қыркүйекте батыс, солтүстік-батыста – қатты жаңбыр, найзағай, желдің күшеюі және бұршақ жаууы мүмкін.
Сондай-ақ түнде Қазақстанның солтүстік-батысы мен солтүстігінде топырақ бетінде 1 градусқа дейін үсік күтілуде.
Елдің солтүстік жартысында ауа температурасы: түнде 2-12, күндіз 15-25 жылы, батыста 2-14, күндіз 10-24 жылы, орталықта және шығыста 1-18, күндіз 15-32 жылы, оңтүстік жартысында 10-23, күндіз 20-35 жылы болады.
