Халықаралық бокс федерациясы (IBF) жаңа рейтинг жариялады.
Геннадий Головкин орта салмақта бразилиялық Эскива Фалькаомен (30-0, 20 КО) жұдырықтасуға міндетті еді. Алайда ол белбеуден де, ринкке шығудан да бас тартты. Көп өтпей, Халықаралық бокс федерациясы Геннадий Головкинді (42-2-1, 37 КО) рейтингтен шығарып тастады.
Осыдан кейін рейтингіде бірінші Фалькао, екінші аустралиялық Майкл Зерафа (31-4, 19 КО), ал үшінші германиялық Винченцо Гуальтьери (20-0-1, 7 КО) тұр. Ал орта дивизиондағы IBF белбеуінің әзірге иесі жоқ.
