Биыл ұйым қатары 20 адаммен толығып отыр. Бұл туралы бастауыш ұйым жиналысында айтылды. Бастауыш ұйым төрағасы Бақытгүл Абдуллинаның айтуынша, ұйымдағы партия мүшелері әлеуметтік бағыттағы «Ардагерлерді ардақтайық!», «Бақытты отбасы», «Кедергісіз келешек» жобаларын жүзеге асыруға атсалысып келеді. Атап айтқанда, партиялық топтар «Ардагерлерді ардақтайық!» жобасы аясында ардагерлерге көмек көрсетеді. Қариялардың ауласын қардан, қоқыстан тазалау сияқты жұмыстар бастауыш ұйым жанындағы еріктілердің дәстүрлі іс-шарасына айналған. Енді ұстаздар күні мен қарттар күніне орай жастар арасында спорттық шаралар ұйымдастыру жоспарланып отыр.
«Кедергісіз келешек» жобасы аясында партиялық топтардың ұйымдастыруымен үйден білім алатын, мүмкіндігі шектеулі балаларға арнайы сыйлықтар жасалады. Түрлі кейіпкерлер бейнесіндегі жастар балалардың көңілін көтеріп, қуаныш сыйлап жүр. Ал «Бақытты отбасы» жобасы аясында түрлі отбасылық шаралар ұйымдастырылады. Мақсат – отбасы құндылығын нығайту, әрбір баланың толыққанды отбасында өмір сүру деңгейін арттыру.
«БІЛІМ» бастауыш партия ұйымының мүшелері әрбір шараның белсенді ұйымдастырушылары және қатысушылары. Үгіт насихат жұмыстарында, ауыл аймақтарын тазалау сенбіліктерінде, сайлау науқаны кезінде, идеологиялық шараларда белсенділік танытып келеді. Партия мүшелері сайлауалды науқандарда волонтерлік бағытта жұмыстарды жандандырды», – деді Бақытгүл Абдуллина.
Жиынға аудандық филиалдың атқарушы хатшысы Бисенғали Акзамов, аудандық мәслихат төрағасы Көлкебаев Талғат, аудандық кәсіподақ ұйымының төрағасы Ордабаев Мұхамбетдин, журналистер және партия мүшелері қатысты. Бастауыш ұйымның жаңа төрағасы болып Мәртөк жалпы білім беретін орта мектебінің директоры Әсет Есалин сайланды. Ол бастауыш ұйым атынан аумақтық конференцияға қатысатын болды.