Бокстан Астанада өтіп жатқан Елорда кубогы халықаралық турнирінде Сәкен Бибосынов келесі айналымға өтті, – деп хабарлайды Aikyn.kz.
Сәкен Бибосыновтың бірінші жекпе-жегі өзбекстандық Мухаммадкодир Мамиржоновпен өтті. Нәтижесінде боксшымыз қарсыласын сенімді түрде жеңді.
Айта кетелік, Елорда кубогы турниріне 8 мемлекеттен келген спортшылар қатысып жатыр. Олардың қатарында Париж Олимпиадасына қатысатын боксшылар да бар.
Сәкен Бибосынов туралы айтар болсақ, ол – бокстан Қазақстан құрамасының үздіктерінің бірі.
Оның жетістіктер тізімінде 2021 жылғы әлем чемпионатындағы «алтын», Азия чемпионатындағы «күміс» және «қола», сондай-ақ 2020 жылы Токиода өткен Олимпиада ойындарындағы қола медаль бар. Биыл жазда Бибосынов Парижде өтетін Олимпиадада өнер көрсетеді.
Посмотреть эту публикацию в Instagram
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.