Англияның Блэкберн қаласында ұл бала LEGO ойыншығын жұтып қойған қарындасын құтқарып қалды. Ол мектепте тез алғашқы көмек көрсету әдісін есіне сақтап қалған, - деп жазады Daily Mail.
Он жасар Гаррисон Уолмсли өз бөлмесінде ойнап отырғанда есігінен алты жасар Ева кіріп келген. Қыз тыныс ала алмай, көзінен жас парлап, беті қызарып кеткен. Бала не болғанын бірден түсініп, «Мама! Папа! Тез келіңдер! Ева тұншығып барады!» деп айқайлады.
Содан кейін Гаррисон Геймлих әдісімен тұншыққан адамдарды қалай құтқару керектігін есіне түсірді. Ол қарындасын артынан ұстап, қарнынан қатты соққы жасады. Нәтижесінде қыздың аузынан жұтып қойған LEGO ойыншығы атып шықты. Ойыншық баланың тамағына тұрып қалып, оның тыныс алуын қиындатқан.
