АҚШ-та коронавирус эпидемиясы басталғалы бері алғаш рет бір тәулікте үш мыңнан астам өлім жағдайы тіркелді, деп хабарлады The New York Times.
Өлім жағдайларының бұған дейінгі рекордтық көрсеткіші өткен аптада тіркелді – 2885 науқас қайтыс болған еді. Осы жолы АҚШ-та бір тәулікте 3011 адам дүниеден өтті.
Джонс Хопкинс университетінің мәліметтеріне қарағанда, 10 желтоқсандағы жағдай бойынша АҚШ-та 15 381 450 адам коронавирус жұқтырған. Елде індет салдарынан барлығы 288 мың адам көз жұмған.
