«Астана» арнасының хабарлауынша, Қызылорда облысындағы жантүршігерлік жол апатына ұшыраған автобус техникалық тексеруден өтпеген.
Телеарнаның мәліметінше, жол апатынан 8 адам қайтыс болды. 13 жолаушы хал үстінде жатыр. Зардап шеккендердің барлығы вахталық тәсілмен жұмыс істеген мұнайшылар. Автобуста Құмкөлден қайтқан «СаутсОйл» компаниясының 36 жұмысшысы болған.
Қызылорда облыстық ТЖД басшысы Омар Бержанов: «Жарты сағаттың ішінде 3, одан кейін 15 минуттан кейін 4 мәйіт табылды. Артынан біздің қызметкерлер құтқару құралдарымен сол автобустын ішінен тірі, әртүрлі жарақат алған 9 жұмысшыны шығарып, жедел-жәрдем автокөліктеріне салуға көмектесті. Сол автобустың ішінен және қасынан мәйіттер тапты. Сол 08.45-та автокранның көмегімен автобусты көтеріп, тұрғызу кезінде жетінші мәйіт автобустың ішінен табылды. Аварийно-құтқару құралымен соңғы мәйіт екі отырғыштың ортасында қыстырылып төменде қалып қойған, – деді.
Телеарнаның мәліметінше, тайғақ жолда аударылып қалған автобус биыл наурыз айында соңғы рет техникалық байқаудан өткені белгілі болды. Бірақ ережеге сәйкес, бұл тектес транспорттар алты ай сайын тексерілуі тиіс.