«Nur Otan» партиясы ШҚО филиалы жанындағы «Ұлт денсаулығы мәселелері» жөніндегі өңірлік Қоғамдық кеңестің отырысы өтті.
Жиынға «Nur Otan» партиясы ШҚО филиалы төрағасының орынбасары Айгул Оралғазықызы және «Ұлт денсаулығы мәселелері бойынша» өңірлік Қоғамдық кеңесінің төрағасы мен мүшелері қатысты. Ал қоғамдық кеңестің аудандық, қалалық бөлімдерінің мүшелері және денсаулық сақтау саласының өкілдері оған онлайн режимде қосылды. Отырыстың күн тәртібінде «Nur Otan» партиясының «Өзгерістер жолы: әр азаматқа лайықты өмір» сайлауалды бағдарламасын іске асыруға арналған Жол картасының және өңірлік Қоғамдық кеңестің 2021 жылғы 28 маусымдағы отырысының №2 хаттамасының 1-тармағын орындау бойынша мәселе қойылып, оған жауапты мамандардың есептері тыңдалды. «Біз Жол картасында нақты көрсетілген, бірақ орындалу мерзімінен кешіктіріліп жатқан индикаторларды назарда ұстауымыз керек. Оның жүзеге асырылуына жауапты мемлекеттік мекемелермен бірлесіп мәселенің шешілуін қолға алуымыз қажет. Қоғамдық кеңестер оны жіті бақылауында ұстауы тиіс», – деді «Ұлт денсаулығы мәселелері» жөніндегі облыстық Қоғамдық кеңестің төрағасы Сергей Попов. Жалпы, қазір «Nur Otan» партиясының сайлауалды бағдарламасының «Әлеуметтік бағдарланған өңір» бағыты бойынша жоспарланған үш денсаулық сақтау нысанының құрылысы аяқталған. Семей қаласында «Ядролық медицина орталығы» пайдалануға берілді, Өскемен қаласында облыстық онкология және хирургия орталығының Маммология және гинекология реанимациясы бөлімшесінің операциялық блогын жаңғырту аяқталды. 6 ауылдың медициналық, фельдшерлік-акушерлік пункттеріне күрделі жөндеу жұмыстары жүргізіліп жатыр.Дәулет АСАУ