Елімізде ревакцинация 22 қарашада басталады
Елімізде ревакцинация 22 қарашада басталады
Фото: sharij.net

Үкімет отырысында Денсаулық сақтау министрі Алексей Цой ревакцинация 22 қарашада басталатынын айтты.

Министр бұған дейін де тұрғындарды ревакцинациялау туралы бірнеше рет айтқан болатын.

«Қазақстанда ревакцинация 22 қарашада 2 кезеңмен басталады», – деді Алексей Цой.

Ең бірінші кезекте ревакцинациядан медицина саласының қызметкерлері, педагогтер, медициналық-әлеуметтік мекеме қызметкерлері мен контингенті, жабық балалар мекемелері, күштік құрылым қызметкерлері өтетін болады.

Бүгінде Қазақстанда коронавирусқа қарсы вакцинаның 2 компонентін 7 миллионнан аса адам алды.