Президент Қасым-Жомарт Тоқаев Мәжіліс отырысында астанада салынып бітпеген Astana LRT құрылысы туралы айтты.
«Тұрғындардың ашуына тиетін проблеманың бірі – астанадағы ЛРТ құрылысы. Инфрақұрылымдық жобадан елдің абырой-беделіне нұқсан келтіретін күрделі проблемаға айналды. Қыруар қаражат жұмсалса да, нәтиже шықпады. Бұл жоба әуел бастан-ақ үлкен қателік болды. Қателікті мойындау керек. Сыбайлас жемқорлықтан көз ашпаған жоба», – деді Тоқаев.
Енді оны бұзу да тиімсіз. Сондықтан отандық және шетелдік сәулетшілер мен урбанистерді шақырып, жобаны егжей-тегжейлі нақтылау керек.
