Шымкент қаласында болған жаппай тәртіпсіздік сәтінен бастап 3 520 адам Полиция департаментіне жеткізілген. Қазір 261 құқықбұзушылық анықталған. Ұсталған азаматтардың 223-і қамауға алынса, 19-на айыппұл салынған. 19 тәртіп бұзушыға ескерту беру туралы шешім қабылданыпты.
Полиция департаментінің мәліметі бойынша, барлық қозғалған қылмыстық істер бойынша жаппай тәртіпсіздіктердің 57 қатысушысы абақтыға қамалған. Күдіктілерден 6 патроны бар калибрі 16 мм шолақ мылтық, 9 мм жауынгерлік калибрге қайта жасалған 1 травматикалық тапанша 5 патронымен, калибрі 7,62 мм 67 жауынгерлік патрон және калибрі 5,45 мм 3 жауынгерлік патрон, сондай-ақ тәртіпсіздіктер кезінде Алматы облысының «Аппорт» сауда орталығынан ұрланған 23 дана «Айфон 11-ПРО» маркалы және «Самсунг а-25» маркалы 3 телефон тәркіленген.
Ал жаппай тәртіпсіздік кезінде Шымкентте қоғамдық қауіпсіздікті қамтамасыз етуде полиция қызметкерлері арасынан 48 қызметкер әртүрлі жарақат алып, зақымданған 91 автокөліктің 8-і өртенген.
Аймақта төтенше жағдай режимі жарияланған сәттен бастап комендаттық сағатты бұзғаны үшін 83 құқық бұзушы әкімшілік жауапкершілікке тартылып, оның 47-і қамауға алынған.
Сонымен бірге қаладағы 7 блок-бекетте жалпы 12 540 автокөлік тексерілген. Тексеру нәтижесінде тәртіпсіздікке қатысқан 8 адам ұсталып, көлікті қарау кезінде 1 газ тапаншасы тәркіленіпті.
