Алматыда өртенген қала әкімдігінің ғимаратын қоқыстан тазартып жатыр, – деп хабарлайды 24.kz.
Өрттен соң төрт қабырғасы ғана қалған ғимараттағы электронды техника, жиһаз қалдықтары қоқыс полигонына 3-4 күнде шығарылады. Әкімдік ғимараты бұзылмайды. Толықтай қайта жөндеуден өтеді.
Ғимаратты қайта қалпына келтіру үшін қанша қаржы және уақыт кететіні арнайы комиссияның сараптамасынан кейін белгілі болады.
Жайлы қалалық орта басқармасының басшысы Сапар Нұрашев: «Бүгінгі таңда 600-700-ге жуық жұмысшы келді. 22 мердігер компания келіп, көмектесіп жатыр тазалауға. Әрі қарай мердігер компания анықталады, сол мердігер компания жұмысты атқарады», – деді.
