Денсаулық сақтау министрлігі Қазақстанда Pfizer вакцинасын алған адамдар саны қанша болғанын хабарлады.
2022 жылғы 23 қаңтардағы мәлімет бойынша Pfizer вакцинасының бірінші компонентін 553 537 адам қабылдаған. Вакцинаның басым бөлігі жасөспірімдерге егілді. Олардың жалпы саны – 432 351. Сондай-ақ 23482 жүкті әйел мен 70719 бала емізетін аналар да Pfizer вакцинасының бірінші компонентін алған.
Ал Pfizer-дің екінші компонеті еліміздің 291 259 тұрғынына егілді. Естеріңізге сала кетейік Қазақстанда коронавирусқа қарсы вакцинаның бірінші компонентін алғандардың жалпы саны 9 122 455 адамға жетті.
