Сенаттың Конституциялық заңнама, сот жүйесі және құқық қорғау органдары комитетінің кеңейтілген отырысында депутаттар Президенттің Жоғарғы Сот судьясын қызметінен босатуды ұсынған кандидатураны талқылады, – деп хабарлады Сенаттың баспасөз қызметі.
"Сенат комитеті Жоғарғы Соттың судьясы Арқарова Жаңылсын Баянқызын орнынан түсуіне байланысты Мемлекет басшысы Қасым-Жомарт Тоқаевтың ұсынымын қарай келіп, Парламент Сенаты оны қызметінен босатуды ұсынған қорытынды шығарды", – делінген хабарламада.
