Түркістан облысында көшпелі қоғамдық қабылдау барысында талқыланған мәселелер уақытылы өз шешімін тауып жатыр.
Биыл 27 сәуір күні Түлкібас ауданы Састөбе ауылдық округінде тұрғындардың арыз-өтінішін тыңдау үшін көшпелі қоғамдық қабылдау өткізілген болатын. Қабылдауда 10 мыңға жуық халқы бар Састөбе ауылдық округі мен соның маңында орналасқан шалғай елді мекен тұрғындары Састөбе кентінде Халыққа қызмет көрсету орталығы бөлімшесін ашуды сұраған еді. Осы өтінішке байланысты «AMANAT» партиясы Түлкібас аудандық филиалының атқарушы хатшысы Қуатбек Еркебаев «Азаматтарға арналған үкімет» мемлекеттік корпорациясының Түркістан облыстық филиалы директоры Ержан Жеңісбековке арнайы сұраныс хат жолдады. Бір ай өтпей, мобильді ХҚКО тобы Састөбе кентінде уәкілетті мемлекеттік орган келісімімен кесте бойынша мемлекеттік қызметтер көрсетілетінін, яғни Халыққа қызмет көрсету орталығы ашылатынын хабарлады.
Қазір бұл орталық өз жұмысын бастап кетті.
Бүгінде онда 500-ден астам электронды қызмет алуға болады. Сонымен қатар халыққа электронды қызметті Egov платформасы мен басқа да мессенджерлерде электронды цифрлық қолтаңба арқылы қалай алуға болатыны түсіндіріліп жатыр.
