Бүгінде Тараз қаласындағы Жамбыл даңғылы бойындағы көпірді жөндеу жұмыстары жүргізілуде.
Көпірдің уақытша жабылуы бойынша тұрғындар тарапынан түсіп жатқан сұрақтарға байланысты «AMANAT» партиясының Жамбыл облыстық және Тараз қалалық филиал өкілдері, сондай-ақ Партиялық бақылау комиссиясының және Мемлекеттік басқаруды дамыту және сыбайлас жемқорлыққа қарсы іс-қимыл жөніндегі қоғамдық кеңес мүшелері көпірге жүргізіліп жатқан жөндеу жұмыстарымен танысты.
Биылғы 28 маусымда басталған жөндеу жұмыстарын «Строймонтаж GROUP» жауапкершілігі шектеулі серіктестігі қолға алған. Бұл іске 45 жұмысшы тартылған. Олар үш ауысым бойынша еңбек етіп жатыр.
Жөндеу жұмыстарымен танысу барысында мердігер компания басшылығы бұл шаруаны келісімшартта көрсетілген мерзімнен ерте аяқтап, пайдалануға беруді жоспарлап отырғанын жеткізді.
Партия мүшелері істің сапалы атқарылуы және көпірдің тиісті мерзімде пайдалануға берілуі қоғамдық кеңес мүшелерінің назарында болып, алдағы уақытта да жөндеу жұмыстарына қоғамдық бақылау жүргізу жалғаса беретінін айтты.
