Тұрғындарды толғандырған мәселе көп
Тұрғындарды толғандырған мәселе көп
265
оқылды
«AMANAT» партиясы Түр­кістан облыстық филиа­лында 18 қоғамдық қа­был­дау бөлмесі жұмыс істеп тұр. Оларға биылғы қаңтар-маусым айларында 9735 арыз-шағым келіп түскен. Оның ішінде 5066 өтініш оңтайлы шешіліп, 4546-на заң аясында кеңестер бе­ріл­ді. Ал 123 шағым қаралу үстінде. Ең көп арыз-өтініш Жетісай, Сарыағаш, Түлкі­бас аудандары мен Түркіс­тан қаласының тұрғындары тарапынан тіркелген. Қабылдауларда көтерілген мәселелер және электронды база арқылы тіркелген арыздардың 44,3%-ы әлеуметтік көмекке мұқтаждық бойынша, 19,3%-ы тұрғын үй коммуналдық мәселелер, 8,7%-ы баспана және жер учаскесін алу, 8%-ы еңбек құқы­ғын қорғау оның ішінде жұмысқа орналасу, заңсыз жұмыс­тан шығару және еңбекақы өн­діруге қатысты. Қалған бағыттар бойынша да түрлі талап-тілектер назарға алынған. Атап айтқанда, денсаулық сақ­тау және білім беру, кәсіпкерлікті қолдау, несиелендіру және субсидия алу, халықты құжаттандыру, агроөнеркәсіптік кешен, жайылым жер, сот және құқық қорғау жүйесі, сон­дай-ақ тағы да басқа шағым­дар қаралды. Облыстық партия филиалының Атқарушы хатшысы Бейсен Тәжібаевтың айтуынша, жыл басынан бері жалпы 1871 қоғамдық қабылдау өткізіліп, 6665 азаматтың мәселесі қаралған. Оның ішінде Парламент Мәжі­лісінің депутаттары тұрғындарға 20 жеке қоғамдық қабылдау өткізіп, 198 азаматтың ұсыныс-тілегін тыңдады. Мәслихаттағы партия фракциясы депутаттары да 778 қабылдау жүргізген. Олар 2300-ден аса тұрғынмен кездесіп, өтініштердің оң шешілуіне атсалысқан. Бұнан бөлек әкімдер, әкім орынбасарлары, жергілікті мемлекеттік органдар, департамент және басқарма басшылары, партияның атқарушы хатшылары, заңгерлер және адвокаттар, медиатор қызметкерлері өңір халқының мәселесін заң аясында қарады. 40-тан астам қоғамдық қабылдау партиялық жобалар мен республикалық акциялар аясында өтті. Онда 172 азамат өз ұсыныстары мен жобаларына қолдау сұрады. Биыл 15 наурыздан бастап партияның Түркістан облыстық филиалының мобильді қоғамдық қабылдауы өз жұмысын бастады. Бүгінге дейін мобильді топ аймақтың 11 аудан және қаласын аралап, 51 шалғай елді мекенде қоғамдық қабылдаулар өткізді. Десе де кездесулерге сол маңайдағы ауыл тұрғындары да қамтылып, жалпы 181 елді мекеннен 1900-ден астам азамат келді. Хаттама негізінде 765 арыз-шағым тіркеліп, оның 41%-ы, яғни 315-і оң шешімін тапты. Ал 450 өтінішке заң аясында түсіндірмелер берілді. Тұрғындарды толғандырған тақырыптардың басым бөлігі жайылым жер, интернет сапасының төмендігі, мәдениет және спорт нысандарын салуға қатысты болды, әлеуметтік мә­се­ле­лер де тыс қалмады. Бұл мобильді қо­ғамдық қабылдаудың ерекшелігі – аумақтық деңгейде шешімін таппаған талап-тілектерді облыстық немесе республикалық деңгейде талқы­ға салып, өзекті мәселелер оша­ғын анық­тау. Өйткені жоба ауыл халқының проблемасын шешуге ықпал етіп, мемлекеттік мекеме өкілдері мен тұрғындар ара­сындағы диалогты орнатуға бағытталған. Жыл соңына дейін жалғасатын жоба аясында өңір­дің барлық аудан, қаласын қамту жоспарланып отыр.

Азат ҚАЗАҚ