Алматыда 24 жастағы қыз «жүргізуші куәлігін алып беремін» деп тұрғындардан ақша алып, ізін суытқан, – деп жазады Polisia.kz.
Полицейлер 24 жастағы Г. есімді азаматшаның жәбірленушілердің алаяқтық жолмен ақшасын алғанын анықтады.
«Жәбірленушілер ірі көлемде ақша беріп, алданып қаламыз деп ойламаған. Осыған ұқсас үш дерек тіркелді. ҚК-нің 190-бабы (Алаяқтық) бойынша сотқа дейінгі тергеу жүргізіліп жатыр. Күдікті уақытша ұстау изоляторында қамауда отыр», – деді Әуезов аудандық Полиция басқармасының бастығы Ұлан Әбілқайыр.
Бұған дейін Алматыда жұртты 35 миллион теңгеге алдап кеткен алаяқ ұсталды.
