Айжамал КЕНЖЕАХМЕТОВА,
Атырау облысы «Жастар Рухы» жастарқанатының белсендісі:
– «Жастар Рухы» тек қоғамдық жұмыстармен айналысатын орын емес. Мен жастар қанатында өзіме жаңа орта, жаңа достар таптым. Біз, белсенді жастар, Президентіміздің тапсырмасын жүзеге асыруда қолдау көрсетіп, Жаңа Қазақстанды құруға атсалысуымыз керек. Осыған орай «Жастар Рухы» бірнеше бағыт бойынша кешенді жұмыс жүргізеді. Облысымызда жастар қанаты саябаққа шахмат алаңын ашты. Сол жерде жастар бос уақытын тиімді өткізіп жүр. Қазір цифрлы заманда жастар көп уақытын смартфонда өткізеді. Біз жастардың бос уақытын осылайша пайдалы ұйымдастырудамыз. Жақында Атырау қаласындағы жоғары оқу орындарының жатақханаларын тексеріп, мониторинг жүргіздік. Сонымен қатар жастарға арналған түрлі тренинг пен мәдени шара өткізіп жүрміз.
