Алматыда № 38 автобус өртеніп кетті. Оның бейнежазбасы әлеуметтік желіде тарады. Алматы қалалық Төтенше жағдайлар департаментінің мәліметінше, өрт сөндіру қызметінің кезекші бөліміне таңертең сағат 8.27-де Саин- Шаляпин көшелерінің қиылысында автобус өртеніп жатқаны туралы хабар келіп түскен.
«Жедел түрде көбікпен өрт оқпандары еңгізіліп, автобус конструкцияларын салқындату үшін бөлек өрт оқпандары берілді. Қабылданған шаралардың арқасында өрт сағат 08-47 оқшауланып, 08-50- де толық сөндірілді. Құрбандар мен зардап шеккендер жоқ»,- деп хабарлады ведомстводан.
