Үміткерлерді тіркеудің соңғы сәтінде тағы бір кандидат құжат тапсырды
Үміткерлерді тіркеудің соңғы сәтінде тағы бір кандидат құжат тапсырды
© inform.kz
641
оқылды
ҚР Президентінің кезектен тыс сайлауына үміткерлерді тіркеудің соңғы сәтінде тағы бір кандидат Орталық сайлау комиссиясына құжаттарын тапсырды, –  деп хабарлайды ҚазАқпарат.
Кандидатты «Қазақстан әуесқой футболшыларының» қоғамдық бірлестігі ұсынған. Ол – 46 жастағы Бақыт Маратұлы Жаңабаев.
«Осы заманда елімізге жаңа үрдіс келіп жатқан кезде тек үнсіз көрермен болмай, соған қатысуға бел будым. Атақ үшін түсіп жатқаным жоқ. Барлығымыз жұмылсақ, көтермейтін жүк жоқ деп ойлаймын», – деді Бақыт Жаңабаев БАҚ өкілдерінің сауалына жауап бере отырып.
Өзінің айтуынша, 2001 жылдан бері мемлекеттік қызметте еңбек етіп келеді. Қазір  ҚР Қаржы министрлігіне қарасты Мемлекеттік кірістер департаментінің қызметкері.