Ақтөбеде жаңа туған сәбиін қорапқа салып, далаға тастап кеткен әйел табылды, – деп хабарлайды polisia.kz Telegram каналы.
"Жедел-іздестіру іс-шаралары барысында Ақтөбе қаласының 29 жастағы тұрғыны анықталып, ол полиция бөліміне жеткізілді. Ол баланы өлі туғандықтан, далаға тастап кеткенін айтқан. Оның кәмелетке толмаған тағы екі баласы бар екені анықталды", – дейді Ақтөбе облысы ПД ЖСКБ басшысы Ерболат Сарқұлов.
Бұған дейін хабарланғандай, 19 желтоқсан күні сағат 22.05-те полицияға Ғ.Жұбанова көшесіндегі көпқабатты үйдің жанынан қағаз қорапқа салынған баланың денесі табылғаны туралы хабарланған. Оқиға орнына жедел-тергеу тобы жіберіліп, жаңа туған ер баланың мәйітін анықтаған.
