Еліміздің бірнеше өңірінде дауылды ескерту жарияланды.
Ақмола облысының батысында, оңтүстігінде, солтүстігінде жаяу бұрқасын соғады.
ҚМЖ 28 желтоқсан сағат 21:00-ден 29 желтоқсан сағат 21:00-ге дейін Семей, Риддердегі қолайсыз метеорологиялық жағдайларға байланысты екінші дәрежелі ескертуі сақталады.
Батыс Қазақстан облысының оңтүстік-батысында, күндіз солтүстік-батысында көктайғақ болады.
Қызылорда облысының орталығында, оңтүстігінде тұман болады.
Солтүстік Қазақстан облысының оңтүстік-батысында жаяу бұрқасын соғады. Өңірдің солтүстігінде тұман болады.
28 желтоқсан сағат 21:00-ден 29 желтоқсанғы сағат 21:00-ге дейін Өскеменде де қолайсыз метеорологиялық жағдайларға байланысты екінші дәрежелі ескерту жарияланды.
Маңғыстау облысында жауын-шашынды, (қар, жаңбыр), көктайғақ, тұман болады. Солтүстік-шығыстан, солтүстіктен жел соғады, күндіз облыстың батысында 15-20 м/с.
Түркістан облысының оңтүстігінде, батысында, таулы және тау бөктерлі аудандарында тұман, көктайғақ болады. Оңтүстік-шығыстан жел соғады, тау асуларында күші — 15-20 м/с.
Шымкентте 29 желтоқсанда түнде тұман болады.
Қостанай облысында қар жауады. Өңірдің батысында жаяу бұрқасын соғады, оңтүстігінде тұман.
