Қазақстандық жастар баспана алу немесе емделу, кәсіп ашу, жұмысқа орналасу сияқты мәселелер бойынша қажетті кеңес ала алады. «AMANAT» партиясының Жастар қанаты «Жастарға кеңес» жобасын іске қосты. Оның аясында мобильді кеңес беру пункттері базарларда, сауда үйлерінде, ауылдар мен моноқалаларда тұрақты негізде жұмыс істейтін болады.
Кеңес беру жұмысына «Жастар рухының» қызметкерлері, халықты жұмыспен қамту орталықтарының, «Отбасы банк» АҚ-ның, халыққа қызмет көрсету орталықтарының, медициналық сақтандыру қорының, «Даму» кәсіпкерлікті дамыту қорының, өңірлік білім басқармаларының және «Атамекен» ұлттық кәсіпкерлер палатасының мамандары атсалысады.
«Жастар рухы» ЖҚ төрағасы Нұржан Жетпісбаев жастарды толғандырған мәселелерді шешуге бағытталған жоба тұрақты түрде жұмыс істейтінін атап өтті.
«Мұндай кеңес беру жұмыстары еліміздің барлық өңірінде қолға алынады. Жоба бәріне бірдей қолжетімді болуы үшін мамандар тек қалаларда ғана емес, сонымен қатар ауылдық жерлерде де жастарға кеңес береді. Ең бастысы, бұл іс-шара аптасына екі рет тұрақты түрде өткізіледі», – деді ол.
Елордадағы «Астаналық» базарында жұмыс істейтін Марлен Сардаров есімді азамат бұл жоба жөнінде жарнамадан білгенін айтады.
«Базар қызметкерлерінің жұмыс кестесі тұрақсыз. Олар таңғы 6-дан кешкі 9-10-ға дейін жұмыс істейді. Сондықтан банк, емхана сияқты жерлерге баруға уақыт табыла бермейді. Медициналық сақтандыру мәселесі бойынша сұрағым бар еді. Сол бойынша егжей-тегжейлі ақпарат ала алғаныма қуаныштымын»,– деді ол.
Осындай жұмыс Шымкентте де жүргізілді. Жергілікті тұрғын Ерік Рүстемнің айтуынша, «Жастарға кеңес» жобасы арқылы тұрғын үй бағдарламалары туралы ақпарат алу – өте ыңғайлы.
«Әлеуметтік желідегі немесе теледидардағы хабарландыруларды бәрі бірдей көре бермейді. Алайда базарда немесе өзге де қоғамдық орындарда тұрғындар банк өкілдерінен, шенеуніктерден өздерін толғандырған сауалдарға бетпе-бет жауап ала алады», – деді ол.
Петропавлда М.Қозыбаев атындағы Солтүстік Қазақстан университетінің студенттері де жобаға қызығушылық танытты.
«Жастар өз ісін бастау үшін несие ресімдеу, оны дұрыс тіркеу, салықтық жеңілдіктер туралы жылдам анықтама ала алады. Яғни, тек сала маманынан алуға болатын жауаптар беріледі», – дейді студент Бекзат Латыпова.
Кеңес беру іс-шараларының кестесімен «Жастар рухының» әлеуметтік желілердегі ресми парақшаларынан танысуға болады:
Instagram: https://www.instagram.com/jastar_ruhy/
Facebook: https://www.facebook.com/JastarRuhyJQ
Telegram: https://t.me/JasOtanTelegramm
«Жастар рухы» ЖҚ төрағасы Нұржан Жетпісбаев жастарды толғандырған мәселелерді шешуге бағытталған жоба тұрақты түрде жұмыс істейтінін атап өтті.
«Мұндай кеңес беру жұмыстары еліміздің барлық өңірінде қолға алынады. Жоба бәріне бірдей қолжетімді болуы үшін мамандар тек қалаларда ғана емес, сонымен қатар ауылдық жерлерде де жастарға кеңес береді. Ең бастысы, бұл іс-шара аптасына екі рет тұрақты түрде өткізіледі», – деді ол.
Елордадағы «Астаналық» базарында жұмыс істейтін Марлен Сардаров есімді азамат бұл жоба жөнінде жарнамадан білгенін айтады.
«Базар қызметкерлерінің жұмыс кестесі тұрақсыз. Олар таңғы 6-дан кешкі 9-10-ға дейін жұмыс істейді. Сондықтан банк, емхана сияқты жерлерге баруға уақыт табыла бермейді. Медициналық сақтандыру мәселесі бойынша сұрағым бар еді. Сол бойынша егжей-тегжейлі ақпарат ала алғаныма қуаныштымын», – деді ол.
Осындай жұмыс Шымкентте де жүргізілді. Жергілікті тұрғын Ерік Рүстемнің айтуынша, «Жастарға кеңес» жобасы арқылы тұрғын үй бағдарламалары туралы ақпарат алу – өте ыңғайлы.
«Әлеуметтік желідегі немесе теледидардағы хабарландыруларды бәрі бірдей көре бермейді. Алайда базарда немесе өзге де қоғамдық орындарда тұрғындар банк өкілдерінен, шенеуніктерден өздерін толғандырған сауалдарға бетпе-бет жауап ала алады», – деді ол.
Петропавлда М.Қозыбаев атындағы Солтүстік Қазақстан университетінің студенттері де жобаға қызығушылық танытты.
«Жастар өз ісін бастау үшін несие ресімдеу, оны дұрыс тіркеу, салықтық жеңілдіктер туралы жылдам анықтама ала алады. Яғни, тек сала маманынан алуға болатын жауаптар беріледі», – дейді студент Бекзат Латыпова.
Кеңес беру іс-шараларының кестесімен «Жастар рухының» әлеуметтік желілердегі ресми парақшаларынан танысуға болады:
Instagram: https://www.instagram.com/jastar_ruhy/
Facebook: https://www.facebook.com/JastarRuhyJQ
Telegram: https://t.me/JasOtanTelegramm