Жамбыл облысында дүлей дауылдан ұшып кеткен ғимарат шатыры әйелдің үстіне құлады.
Жамбылда қатты дауылдың салдарынан шатыр ұшып, әйелдің үстіне құлаған

"КТК" арнасының мәліметінше, оқиға Жамбыл облысында 5 сәуір күні таңертең болған.

Желдің екпіні секундына 28 метрге жеткен. Қатты соққан желден ғимараттың темір шатыры үшып кеткен. Сөйтіп,  ауыр қаңылтыр шатыр көлік тұрағына бара жатқан 57 жастағы әйелдің үстіне құлаған.

Оқиға салдарынан зардап шеккен азамат жансақтау бөліміне жеткізілді. Бүгінде оның жағдайы ауыр деп бағалануда.

"Үстіне шатыр құлаған әйел бізге таңертең түскен. Ол хирургиялық жансақтау бөліміне жатқызылды. Көмекке Тараздан нейрохирург пен реаниматолог шақырылған. Қазір инфузионды терапия мен симптоматикалық ем жүргізілуде. Әйелде омыртқаның контузиясы болуы мүмкін және компрессиялық сынуы ықтимал",  деді Жамбыл облысы аудандық орталық ауруханасының хирургия бөлімінің меңгерушісі Жетпіс Айхожаев.

фото:nur.kz