ҚР Бас прокуроры Берік Асылов Біріккен Араб Әмірліктерінің Әділет министрі Абдулла Сұлтан бин Ауад Әл Нуаймимен кездесті.
Кездесуге Біріккен Араб Әмірліктерінің Әділет министрлігінің делегациясы, Қазақстанның Әділет министрі Азамат Есқараев, Сыртқы істер министрлігінің және Бас прокуратураның қызметкерлері қатысты.
Тараптар қылмыстық-құқықтық саладағы екіжақты ынтымақтастықтың, атап айтқанда, іздеуде жүрген адамдарды экстрадициялаудың, қылмыстық істер бойынша құқықтық көмек көрсетудің, терроризмге қарсы күрестің және елден заңсыз шығарылған активтерді қайтарудың бірқатар мәселелерін талқылады.
Бас Прокурор Қазақстандағы негізгі заңнамалық реформалар, қадағалау органының басым бағыттары және халықаралық-құқықтық ынтымақтастықты дамыту туралы хабардар етті.
Сонымен қатар ведомстволар арасындағы өзара іс-қимылды арттыруға қосымша серпін беретін бүгінгі кездесудің маңыздылығын атап өтті.
Тараптар қазіргі заманғы жаһандық сын-қатерлерге қарсы күресте әріптестік туралы уағдаластыққа қол жеткізді.