Отырар ауданында Сырдария өзенінің жағасына бір әулеттен 4 отбасы демалуға келіп, суға батып кеткен, – деп хабарлайды Aikyn.kz.
Әкімдіктің ресми мәліметінше, тұрғындардан бір топ адамның суға батқаны туралы хабарлама түскен. Шомылуға келген 20 адамның 11-і суға батып кеткен. Оның 5-еуі балалар болса, 6-ы ересектер.
Облыстық Төтенше жағдайлар департаменті жанынан жедел штаб құрылып, оқиға орнына Отырар ауданы әкімдігі, аудандық төтенше жағдайлар бөлімі, орман шаруашылығы және еріктілер жолданды. Бірден іздестіруге кіріскенмен.
Өкінішке қарай, 8 адамның мәйіті судан алып шығарылды. Қалған 3 адамның мәйітін іздеп жатыр. Іздестіруге жалпы 144 бригада, 16 техника, 6 қайық жұмылдырылды.
Төтеншеліктер мен еріктілер тұрғындарға жаз бойы бұл жерге суға түсуге болмайтындығы жайлы жан-жақты ескертулер жүргізген. Анықталғандай мұндай түсіндіру жұмыстарына дәл осы әулет те қатысқан. Алайда, рұқсат етілмеген орында шомылмау керегін ескермеген.
Фото: syrboyi.kz