«Қазатомөнеркәсіп» ҰАК» АҚ-ның 2023 жылдың бірінші жартыжылдығындағы таза пайдасы 222 млрд теңгеден асты. Бұл 2022 жылдың сәйкес кезеңімен салыстырғанда 33%-ға артық. Бұл туралы компанияның биылғы жылдың І жартыжылдығындағы қызметінің нәтижелеріне арналған баспасөз брифингінде айтылды.
Басқарма төрағасы Ержан Мұқановтың айтуынша, өсім 2023 жылдың бірінші жартыжылдығында операциялық пайданың артуына байланысты.
Өндіріс көлемі 2022 жылдың сәйкес кезеңімен салыстырғанда бірдей деңгейде, бұл 2%-ға аз өсім көрсетті және 10 225 тоннаны құрады.
«2023 жылдың бірінші жартыжылдығындағы сату көлемі 2022 жылдың сәйкес кезеңімен салыстырғанда 6%-ға жоғары болды. Оған тапсырыс берушінің жоспарлаған жеткізу мерзімін өзгертуі әсер етті. Айта кету керек, сату көлемі клиенттердің сұраныстарына және физикалық жеткізілімдерді жүзеге асыру мерзімдеріне байланысты әр кезеңде айтарлықтай өзгеріп отыруы мүмкін», – деді «Қазатомөнеркәсіптің» басшысы Ержан Мұқанов.
Сонымен қатар, биыл шоғырландырылған кіріс 619 млрд теңгені құрап, 25%-ға өсті. Кірістің өсуіне әсер еткен факторлардың қатарына уран оксидінің спот бағасының өсуі, тұтынушылардан сұраныстардың түсу мерзімдеріне және жеткізу кестелеріндегі тиісті айырмашылықтарға байланысты сату көлемінің ұлғаюы, сондай-ақ уран өнімдері мен сирек металдардан алынатын өнімдерден түсетін кірістердің өсуі жатады.
Компания 2023 жылдың бірінші жартыжылдығының қорытындысы бойынша көлемді қаржылық нәтижелер көрсетті, бұл былтырға қарағанда уран нарығындағы жағдайдың жақсарғанын көрсетеді.
Операциялық көрсеткіштерге сәйкес, 2023 жылдың бірінші жартыжылдығындағы өндіріс көлемі 2022 жылдың сәйкес кезеңімен бір деңгейде болды. Өндіріс көлемін қоспағанда, 2023 жылға арналған барлық болжамды көрсеткіштер, споттық бағалардың жаңартылған бағаларын, айырбас бағамдарын және сату портфелін кеңейтуді пайдалана отырып қайта қаралды.
«Біз жер қойнауын пайдалануға арналған келісімшарттарға сәйкес өндіріс көлемін 100%-ға дейін ұлғайту қажеттілігін анықтау үшін нарықтық жағдайды мұқият қадағалайтынымызды бірнеше рет айттық. Сұраныс пен ұсыныс динамикасының тұрақты жақсаруын ескере отырып, Қазатомөнеркәсіп, бұрынғыдай, іргелі нарықтық факторларға және келісімшарттар портфелінің кеңеюіне сәйкес 2024 жылы өндіріс көлемін ұлғайтуды жоспарлап отыр» – деп түсіндірді басқарма төрағасы.
2023 жылдың бірінші жартыжылдығында сату бойынша шығындар 13 521 млн теңгені (2022 жылдың бірінші жартыжылдығында 10 592 млн теңге) құрады. Бұл былтырғы жылмен салыстырғанда айтарлықтай ұлғайған. Оған тасымалдау тарифтерінің ұлғаюы себеп болып отыр.