Астана қаласының мамандандырылған ауданаралық экономикалық сотында авторлық құқыққа қатысты азаматтық іс қаралды, - деп хабарлайды Aikyn.kz.
Акционерлік қоғам берешекті өндіріп алу туралы ЖШС-ға талап қою бойынша жүгінген. Талап қоюшы екінші тараптың футболдан әлем чемпионатының трансляциясында авторлық құқықты бұзғанын айтты.
Азаматтық істі қарау барысында трансляцияны үй-жайды жалға алған ЖШС жүргізгені анықталды.
Соттың дауды реттеу бойынша жұмыстарды жүргізуі барысында тараптар бітімгершілік келісім жасасу туралы келісімге келді. Осының нәтижесінде ЖШС АҚ-ға 100 АЕК мөлшерінде өтемақы төлейтін болды, бұл 345 мың теңгені құрайды.
Ұйғарым заңды күшіне енді.