«Астанада 50 жастан асқан жұмыссыз азаматтарға арналған «Күміс жас» бағдарламасы бар. Кәсіби өсу орталығы жұмыс берушіге 50 жастан асқан адамды еңбекпен қамтығаны үшін 3 жыл бойы субсидия төлейді. Жалақы көлемі 110 760 теңге (30 АЕК), – деді Олжас Омар Астана қаласының коммуникациялар қызметі алаңында өткен баспасөз мәслихатында.
Орталық басшысының айтуынша, мемлекет жұмысшы жалақысының 70%-ын субсидиялайды.
«Бұл жүйе жұмыс іздеуші мен жұмыс беруші үшін де тиімді. Одан басқа бізде қоғамдық жұмыстар бар. Ол жерде адамның жас ерекшелігі, мамандығы маңызды емес, бастысы жұмыс істеуге ниетті болуы. Тағы бір маңызды бағыт – кадрларды даярлау және жұмыссыздарды кәсіптік оқыту. Ол бағытта бірінші жұмыс берушілердің өтініші бойынша білім беру ұйымдарында кадр даярланады, екінші бағыты жұмыс орнында жүзеге асады. Кәсіби оқытудың артықшылығы 32 681 теңге көлемінде шәкіртақы төленеді», – дейді ол.