2024 жылдың алғашқы алты аптасында Қытайдағы смартфондардың жалпы сатылымы 7%-ға төмендегенін Quartz сайты хабарлады. Оның ішінде iPhone сатылымы неліктен құлдырап кеткенін Aikyn.kz түсіндіреді.
Apple Қытайда жаңа дүкендер ашу арқылы бөлшек сауданы кеңейтуді жоспарлап отыр. Фото finance.yahoo.co сайтынан алынды
Жаңа мәліметтер бойынша, Apple-дің АҚШ пен Еуропалық Одақтағы қиын кезеңдері Қытайда да жалғасуда. iPhone сатылымы 2024 жылдың алғашқы алты аптасында өткен жылмен салыстырғанда бірден 24% төмендеген.
Бұған смартфондардың жаңа сериясын шығару арқылы жанданып жатқан қытайлық Huawei компаниясымен бәсекелестіктің де әсері күшті болған.
Counterpoint Research сарапшылары өткен жылдың қаңтарындағы iPhone сатылымының «аномальді күшті» сатылымы 2022 жылдың желтоқсанындағы өндіріс проблемаларына байланысты болды, бұл биылғы құлдырауды күшейтті дейді.
Смартфондарды сату бойынша қытайлық компаниялармен бәсекелесумен қатар, Apple «Oppo, Vivo және Xiaomi сияқты өндірушілердің агрессивті бағаның ортасында қалғанын» Counterpoint Research аға сарапшысы Мэнменг Чжан да мойындайды.
Apple-дің Қытайдағы шыныдан жасалған сатылым орталығы. Фото Getty Images сайтынан алынды. Авторы: Costfoto
Сарапшылар iPhone 15 тамаша құрылғы болғанымен, ол алдыңғы нұсқамен салыстырғанда айтарлықтай жаңартуларды ұсынбайды, сондықтан тұтынушылар ескі 14 iPhone-нан бас тартпай отырғанын айтуда.
Huawei үлкен сұранысқа ие болған Mate 60 сериялы смартфондарын шығарғанымен, сарапшылар Қытайдағы смартфондардың жалпы сатылымы жылдың алғашқы алты аптасында өткен жылмен салыстырғанда 7%-ға төмендегенін анықтады.
Oppo сатылымы өткен жылмен салыстырғанда 29%, ал Xiaomi сатылымы өткен жылмен салыстырғанда 7% төмендеген. Сарапшылардың пікірінше, жылдың бірінші тоқсанында өсім теріс болып қалуы мүмкін, өйткені тұтынушылар белсенді емес, оның үстіне компаниялар жаңа өнімдерді аз шығарған.
«Тұтынушылардың сенімін арттыру нарықты тұрақтандыру үшін қажет, бірақ бұл қазір жылжымайтын мүлік секторындағы қиындықтармен байланысты. Apple-ға келетін болсақ, қысқамерзімді перспективада оның маневр жасау мүмкіндігі көбірек. Осы демалыс күніндегі агрессивті жарнамалар соның бір ғана мысалы», – дейді Counterpoint Research-тің тағы бір аға сарапшысы Иван Лам.
Apple акциялары сейсенбіде (5 ақпанда) нарыққа дейінгі саудада шамамен 2%-ға төмендеген және 2024 жылға дейін 6%-ға жуық төмендеді.
Мына қытайлық балақайды iPhone-нан ажырату қиын шығар... Фото shanghaipathways.com сайтынан алынды
Бір аптадан аз уақыт ішінде Apple өзінің көптен бергі алға жылжи қоймаған электромобиль жобасын жауып тастады, Goldman Sachs-тың үздік акциялар тізімінен шығарылды, Еуропадағы iPhone телефондарындағы веб-қолданбалар мәселесінен бас тартты.
Осының бәрінің әсері осы аптада көріне бастады. Еуропада Spotify және басқа музыкалық ағындық платформалардағы өкілеттіктерін «теріс пайдаланғаны» үшін 2 миллиард доллар айыппұл төледі. Мамандар осымен америкалық алпауыт компанияның қиындықтары артта қалып, нарықтағы жағдайы енді түзеле бастайтынына сенеді.