Іздеу жұмыстары күндізгі уақытта таңғы 05:00-ден кешкі 20:00-ге дейін жалғасады.
Майқайыңдағы жағдай: іздеу жұмысы қайта жанданды
1,376
оқылды

"Майқайың алтын" АҚ аумағында қаңтарда ескі шахтаға автобуспен бірге құлаған құтқарушыларды іздеу жұмыстары жанданды, – деп хабарлайды Аikyn.kz.

Кәсіпорын өкілдері іздеу жұмыстары күн сайын жүргізілетінін мәлімдеді.

"28 маусымда кәсіби әскерилендірілген авариялық құтқару қызметтерінің республикалық орталық штабымен бірлесіп, іздеу жұмыстары басталды. Іздеу жұмыстары күндізгі уақытта таңғы 05:00-ден кешкі 20:00-ге дейін жалғасады. Әзірге 7 шілдеде аяқтау жоспарланып отыр, қажет болған жағдайда мерзімі ұзартылады", – деді "Майқайың алтын" АҚ өкілдері.

Сондай-ақ, кәсіпорын өкілдері кестеге сәйкес дайындық жұмыстары жасалғанын айтты. Жұмыстарға бульдозер мен екі экскаватор тартылған. "Майқайың алтын" АҚ өкілдері жұмыс орнынан суреттер жолдаған. Кадрларда ағаш қалдықтары, жыртылған құжаттар көрінеді.

Сараптама, зерттеу мақала, күнделікті өзекті ақпаратты «Айқынның»  Telegram   арнасынан таба аласыз.