Астана қаласының Көлік және жол-көлік инфрақұрылымын дамыту басқармасы «Алау» мұз сарайы тарапынан «Астана Арена» маңындағы Қабанбай батыр даңғылы мен Тұран даңғылын жалғайтын жергілікті жол төсемінің жоғарғы қабатының төсемі бойынша жұмыс жүргізеді, – деп хабарлайды Aikyn.kz.
Бұл туралы елорда әкімдігінің баспасөз қызметі мәлімдеді.
– Осыған байланысты 12-13 тамыз аралығында жоғарыда аталған учаске толығымен жабылады. Бұл ретте Қабанбай батыр даңғылы мен Тұран даңғылы ашық және автокөлік құралдарының қозғалысы іргелес көшелерде жүзеге асырылатын болады, – делінген хабарламада.
Әкімдік елорда тұрғындары мен қонақтары қала жолдарында кептеліс тудырмас үшін қозғалыс бағытын алдын ала жоспарлауды ескертеді.
Сараптама, зерттеу мақала, күнделікті өзекті ақпаратты «Айқынның» Telegram арнасынан таба аласыз.