«Ұмытылмас және мерейтойлық даталар» сериясының Қазақстанның әйгілі опера әншісі және актриса Бибігүл Төлегенованың 95 жылдығына арналған ерекше пошта блогын назарларыңызға ұсынамыз.
Пошта маркасында шығармашылығы өскелең ұрпақты шабыттандырған және тәрбиелеген, қазақстандық музыкалық мәдениеттің дамуына айтулы үлес қосқан ерекше өнер иесі Бибігүл Ахметқызының образы бейнеленген», – делінген ведомство хабарламасында.
Шығарылым формасы – бес маркадан тұратын пошта блогы, әр марканың номиналы – 450 теңге, ал жалпы тиражы – 5 000 дана.
«Бибігүл Ахметқызына пошта маркасына белгі қою рәсіміне қатысқаны үшін алғыс білдіреміз. Бұл – біз үшін және бүкіл Қазақстан мәдениеті үшін айтулы оқиға», – деп жазылған ақпаратта.