«AMANAT» партиясының жол картасы аясында Сандықтау ауданының Петровка ауылында жаңа заманауи мектеп жұмыс істеп тұр. Оқу орны заманауи жиһазбен және құрал-жабдықтармен толық жабдықталған, балалардың білім алуы мен жан-жақты дамуына қолайлы әрі қауіпсіз жағдай жасалған.
Сонымен қатар Зеренді ауданының Симферополь орта мектебіне кәсіпкер, «AMANAT» партиясының белсенді мүшесі, осы ауылдың тумасы Асқар Байқанов LED-экран тарту етті. Кәсіпкер бұған дейін 2021 жылы мектепке спорт кешенін салып берген, оқушылардың спорттық ойындарға қатысуына әрдайым қолдау көрсетіп келеді. Ал «AMANAT» партиясының облыстық филиалы мектепке ұлттық музыкалық аспаптар сыйға тартты.
Айсұлу СЪЕЗХАН