Air Astana Таяу Шығысқа рейстерді уақытша тоқтатып, репатриациялық ұшуды жоспарлап отырғанын мәлімдеді, – деп хабарлайды Aikyn.kz.
Air Astana компаниялар тобы Сауд Арабиясы мен Мысырдың авиациялық билігінен рұқсат алған жағдайда 3 наурызда Батыс Қазақстаннан Мединаға 2 репатриациялық рейсті және Жиддаға 2 репатриациялық рейсті орындауды жоспарлап отыр.
Сонымен қатар Компаниялар тобы Таяу Шығыс елдеріне тұрақты рейстерді 6 наурызға дейін (қоса алғанға) тоқтатады, ал билеттер 13 наурызға дейін (қоса алғанға) сатылмайды.
«Әуе компаниясы жағдайдың дамуын мұқият қадағалауды жалғастыруда және жолаушыларды алдағы өзгерістер туралы жедел хабардар етеді», - делінген хабарламада.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.