Актер, әзілкеш Жахан Отарғалиев әлеуметтік желіде әсерлі жазба жариялады, – деп хабарлайды Aikyn.kz.
Ол екі жылдан бері әлеуметтік желіге не үшін шықпағанын айтты.
«Енді жаңа өмір бастайын деп жатырмын. Екі жыл бойы сіздердің алдарыңызға шыға алмаған себебім, маза болмады. Желіге шыққан кезде, қарыз алған кісілер бірден хабарласатын болды. Сөйтіп, арасында ғана шығып жүрдім. Міне Алланың қалауымен барлық қарыз жабылды. Енді тек шығармашылықпен айналысатын боламын», — дейді актер.
Ол 2024 жылы әріптесі Шерхан Пірназарға Қажылыққа жолдама сыйлауға уәде берген. Мұны да қарыз деп санайтынын жеткізіп, уәдесін орындағанын жеткізді.
Желі қолданушылары актерды өмірінің жаңа кезеңі басталғанымен құттықтап, шығармашылық табыс тіледі.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.