6 қазанда ауа райына байланысты дауылды ескерту жарияланды, – деп хабарлайды Aikyn.kz.
Синоптиктердің болжамы бойынша, Солтүстік және шығыс облыстарда жаңбыр мен қар, кей жерлерде жауын-шашын, тұман, көктайғақ және жерүсті бұрқасыны болады.
Астанада жаңбыр мен қар жауады. Түнде және таңертең кей жерлерде желдің екпіні 23–28 м/с-қа дейін жетеді.
Ақмола облысында жаңбыр мен қар жауады. Түнде облыстың солтүстігі мен шығысының кей жерлерінде қар аралас жаңбыр жауады. Батысында, солтүстігінде және шығысында жерүсті бұрқасыны мен көктайғақ, батысы мен солтүстігінде тұман болжанады. Түнде солтүстік пен шығыста оңтүстік-батыс және батыс желінің екпіні 23–28 м/с-қа дейін жетуі мүмкін. Күндіз солтүстікте, шығыста және оңтүстікте желдің екпіні 15–20 м/с болады, солтүстігі мен шығысында кей жерлерде 23–28 м/с-қа дейін күшейеді. Көкшетауда кей уақытта жаңбыр мен қар, желдің екпіні 15–20 м/с.
Солтүстік Қазақстан облысында жаңбыр мен қар, жерүсті бұрқасыны және көктайғақ болады. Түнде және таңертең солтүстігі мен шығысында тұман болжанады. Батыс және солтүстік-батыс желі 15–20 м/с-қа дейін күшейеді, оңтүстігі мен шығысында екпіні 23–28 м/с-қа жетеді. Петропавлда жаңбыр мен қар, жерүсті бұрқасыны және көктайғақ, желдің жылдамдығы 15–20 м/с болады.
Қостанай облысында түнде қар, жерүсті бұрқасыны және көктайғақ болады. Күндіз солтүстігінде, шығысында және оңтүстігінде жаңбыр мен қар жауады. Түнде және таңертең батысы мен солтүстігінде тұман болжанады. Солтүстік-батыс жел солтүстігінде, шығысында және оңтүстігінде 15–20 м/с-қа дейін күшейеді. Қостанайда түнде және таңертең қар, жерүсті бұрқасыны және көктайғақ болады.
Павлодар облысының батысы мен солтүстігінде түнде жаңбыр мен қар, күндіз де жаңбыр мен қар, жерүсті бұрқасыны және көктайғақ болжанады. Солтүстігі мен шығысында түнде қар аралас жаңбыр жауады. Түнде және таңертең батысы мен солтүстігінде тұман күтіледі. Оңтүстік-батыс желі 15–20 м/с-қа дейін күшейіп, күндіз екпіні 23–28 м/с-қа жетеді. Павлодарда күндіз жаңбыр мен қар, жерүсті бұрқасыны және көктайғақ, жел 15–20 м/с, күндіз екпіні 23–28 м/с болады.
Қарағанды облысының батысы, солтүстігі және шығысында жаңбыр мен қар, жолдарда көктайғақ. Оңтүстік-батыс жел 15–20 м/с-қа дейін күшейіп, күндіз кей жерлерде екпіні 23–28 м/с-қа жетеді. Қарағандыда жаңбыр мен қар, жолдарда көктайғақ, жел 15–20 м/с, күндіз кей жерлерде 25 м/с-қа дейін күшейеді.
Ұлытау облысының солтүстігі мен шығысында түнде жаңбыр мен қар жауады. Батысы, солтүстігі және шығысында оңтүстік-батыс желдің екпіні 15–20 м/с, кей жерлерде 23 м/с-қа дейін жетеді. Облыстың батысында, оңтүстігінде және орталығында төтенше өрт қаупі сақталады. Жезқазғанда күндіз оңтүстік-батыс жел 15–20 м/с болады, төтенше өрт қаупі сақталады.
Шығыс Қазақстан облысының шығысы мен тауларында түнде жаңбыр мен қар, көктайғақ болады. Түнде және таңертең батысы, солтүстігі және шығысында тұман болжанады. Оңтүстігі мен орталығында жоғары өрт қаупі, оңтүстік-шығысында төтенше өрт қаупі сақталады. Өскеменде оңтүстік-батыс жел 15–20 м/с-қа дейін күшейіп, күндіз кей жерлерде 23 м/с-қа жетеді.
Абай облысының оңтүстігі мен шығысында түнде жаңбыр мен қар жауады, түнде және таңертең бұл аудандарда тұман болжанады. Облыс орталығында жоғары өрт қаупі сақталады. Семейде оңтүстік және оңтүстік-батыс жел 15–20 м/с-қа дейін күшейіп, күндіз кей жерлерде 23 м/с-қа жетеді.
Алматы облысының шығысы мен оңтүстік-шығысында түнде жаңбыр мен қар, түнде және таңертең таулы жерлерде тұман болады. Солтүстік-батыс жел солтүстік-шығысқа ауысып, шығысында және таулы аудандарында 15 м/с-қа дейін күшейеді. Солтүстігінде түнде 1 градусқа дейін үсік жүреді, шығысында жоғары өрт қаупі сақталады. Алматының таулы аудандарында, соның ішінде Медеу және Бостандық аудандарында түнде және таңертең тұман, жел 15 м/с-қа дейін жетеді.
Жетісу облысының тауларында жауын-шашын, түнде кей жерлерде жаңбыр мен қар түрінде қатты жауын-шашын болады. Түнде және таңертең облыстың орталық бөлігінде және тауларда тұман болжанады. Шығысы мен таулы аудандарында оңтүстік-батыс жел 15–20 м/с-қа дейін күшейеді, Алакөл көлдері маңында екпіні 23–28 м/с-қа жетеді. Түнде батысы мен солтүстігінде 2 градусқа дейін үсік жүреді. Шығысында жоғары өрт қаупі сақталады. Талдықорғанда түнде және таңертең тұман болады.
Жамбыл облысының шығысы мен тауларында түнде жаңбыр мен қар, тауларда тұман түседі. Түнде тауларда оңтүстік-батыс жел күшейеді, күндіз оңтүстік-батысында, солтүстік-шығысында және таулы аудандарында жел 15–20 м/с болады. Түнде тауларда 2 градусқа дейін үсік болжанады.
Түркістан облысының батысы, солтүстігі, таулы және тау бөктеріндегі аудандарында түнде және таңертең тұман түседі. Тауларда оңтүстік-батыс жел 15–20 м/с-қа дейін күшейеді. Түнде тауларда 1 градусқа дейін үсік болжанады. Облыстың солтүстігінде төтенше өрт қаупі сақталады. Шымкент пен Түркістанда түнде және таңертең тұман түседі.
Қызылорда облысының батысы, солтүстігі және орталығында күндіз шаңды дауыл болады. Оңтүстік-батыс жел 15–20 м/с-қа дейін күшейеді. Түнде солтүстігінде 2 градусқа дейін үсік болжанады. Облыста төтенше өрт қаупі, солтүстігі мен орталығында жоғары өрт қаупі сақталады. Қызылордада күндіз шаңды дауыл болады, төтенше өрт қаупі сақталады.
Ақтөбе облысының солтүстік-шығысында түнде жаңбыр мен қар, көктайғақ болады. Түнде және таңертең батысы мен солтүстігінде тұман болжанады. Түнде солтүстігінде оңтүстік-батыс және батыс жел 15–18 м/с-қа дейін күшейеді. Шығысында жоғары өрт қаупі, батысы, оңтүстігі және орталығында төтенше өрт қаупі сақталады.
Атырау облысында жоғары өрт қаупі, оңтүстігінде төтенше өрт қаупі сақталады. Атырауда да төтенше өрт қаупі сақталады.
Маңғыстау облысының батысы мен орталығында жоғары өрт қаупі сақталады. Ақтауда да жоғары өрт қаупі бар.
Батыс Қазақстан облысының солтүстігі мен шығысында түнде және таңертең тұман түседі. Оңтүстігі мен шығысында жоғары өрт қаупі сақталады. Оралда түнде және таңертең де тұман болжанады.
Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.