Шығыс Қазақстан облысында жол жөндеу жұмыстары кезінде адам сүйектері табылды.
"Өскемен – Риддер" тасжолында жол жөндеу кезінде адам сүйектері табылды
120
оқылды

Қаңқа қалдықтары Өскемен – Риддер тасжолының Радуга елді мекені маңындағы бөлігінен анықталған, – деп хабарлайды Aikyn.kz сайты.

Алдын ала мәлімет бойынша, сүйек қалдықтары ер адамға тиесілі болуы мүмкін. Аталған дерек бойынша сотқа дейінгі тергеу басталды.

Әлеуметтік желіде марқұмның қол-аяғы байланған күйде табылғаны туралы ақпарат тараған. Алайда Шығыс Қазақстан облысының полиция департаменті бұл мәліметті жоққа шығарды.

– Қазіргі уақытта танылмаған адамның жеке басын және өлімінің себебін анықтауға бағытталған іс-шаралар жүргізіліп жатыр, – деп хабарлады полиция.

Оқиғаның мән-жайы тергеу барысында анықталады.