Алматыда 1 шілдеге дейін мәдени-бұқаралық шараларды өткізуге тыйым салынды.
«Адам көп шоғырланатын бұқаралық шараларды 1 шілдеге дейін өткізуге болмайды. Халықаралық тәжірибелерді ескеріп отырмыз. Әр жерде әртүрлі шара қабылданып жатыр. Әрбір мемлекет өз еліндегі эпидемиологиялық ахуалға қарай шешім қабылдап жатыр», - деді Бақытжан Сағынтаев.
Қалада 20 сәуірден бастап әлеуметтік-экономикалық саланы кезең-кезеңімен жандандыру қолға алынбақ.
«Біз қолға алған шаралар өз жемісін берді. Алайда, бізге босаңсуға болмайды. Алматы қаласында санитарлық белдеу болғаны дұрыс. Енді біз инфекцияны облыстан тасымауымыз керек. Алматы қаласының мүмкіндігі жоғары. Яғни, облыс тұрғындарының 65 пайызы Алматыға жақын тұрады», - деді әкім.
