Сәбира Майқанова атындағы мәдениет үйінде «Nur Otan» партиясы Қызылорда қалалық филиалына қарасты «Тасбөгет» бастауыш партия ұйымының жиыны өтті.
Бұл бастауыш партия ұйымында 6 топтық ұйымнан біріктірілген 319 партия мүшесі бар. Аталған жиын пандемия жағдайына байланысты барлық санитарлық-эпидемиологиялық талаптарды сақтай отырып ұйымдастырылғандықтан, оған барлығы 70 партия мүшесі қатыстырылды. Отырыс кезінде сөз алған бастауыш партия ұйымының төрағасы Ғани Сардарбеков жиынның негізгі күн тәртібі «Nur Otan» партиясы Қызылорда қалалық филиалының кезектен тыс XXVI конференциясына делегат ұсыну екенін атап өтті. Ұйым мүшелері күн тәртібін ортақ талқыға салып, бірауыздан бастауыш ұйым төрағасы ретінде Ғани Сардарбековті ұсынды. Жалпы, «Nur Otan» партиясы Қызылорда қалалық филиалында 8 486 партия мүшесі бар. Олар 252 топтық ұйымдармен 36 бастауыш ұйымдарға топтасқан. Елбасы – партия Төрағасы Н.Назарбаев «Бастауыш партия ұйымдары белсенді саяси жұмыстың нағыз орталығына айналуы тиіс» деп атап өткендей, партия филиалы тарапынан партияның ұйымдық негізін құрайтын бастауыш партия ұйымдарының базасы нығайтылып, жұмысына айрықша көңіл бөлініп отыр. Қазіргі уақытта бастауыш ұйым төрағаларының 11-і қалалық партия филиалы Саяси кеңесі мүшелігіне, 3-еуі Саяси кеңес бюросы құрамына енгізілген. Сондай-ақ 3-еуі қалалық және облыстық мәслихат депутаттары екенін айта кеткен жөн.Әбілмансұр ЖАСАН