Mанаш Қозыбаев атындағы Солтүстік Қазақстан мемлекеттік университетінде «Университетте стартап жобаларды жүзеге асыру үшін инвестицияларды тартудың өзекті мәселелері мен шешімдері» атты дөңгелек үстел өтті.
Zoom платформасы арқылы өткен іс-шараны «Nur Otan» партиясының «Болашақ» аумақтық филиалы мен Қозыбаев университетінің ғылыми зерттеулер нәтижелерін коммерциализациялау кеңсесінің қызметкерлері ұйымдастырды. Отырысқа жас ғалымдар мен студенттер қатысты. Жиынды кіріспе сөзімен ашқан коммерциализация кеңсесінің басшысы А.Деймунд Қазақстанда инвестициялау тәжірибесі әлі қалыптаспағанын айтты. Сонымен қатар әңгіме барысында Үкімет, инвесторлар мен стартап арасында міндеттемелерді бөлу тұрғысынан тиімді қаржыландыру тетіктері өте аз екені де тілге тиек етілді. – Білімді қажет ететін стартаптардың жағдайы әлдеқайда күрделі. Жоғары технологиялық технологиялар стратегиялық маңызға ие, ал салықты қайтару бұл жерде бірінші орынға қойылмайды, сондықтан мұндай жобалар көбіне гранттар мен қайтарымсыз субсидиялар, заттай гранттар және басқа да механизмдер есебінен қаржыландырылады. Қозыбаев университетінде толыққанды инвестицияларды тарту туралы айту мүмкін емес. Қазір стартаптарға қаражат тартудың негізгі жолдары стартаптарды кәсіпкерлікті қолдаудың мемлекеттік бағдарламасына қатысу, олардың сан қилы түрлері мен формаларын гранттық қаржыландыру, қарыз қаражаттарын пайдалану және тең құрылтайшылар тарту арқылы жүзеге асырылады, – деді ол. Жалпы, 2020 жылдың қорытындысы бойынша аталған университетте 30-дан астам бизнес-идея тіркелген. Бұл студенттердің өз ісін ашуға, сондай-ақ қазіргі заманғы технологиялық мәселелерді шешуге деген қызығушылығының жоғары екенін көрсетеді. Мысалы, балаларға арналған гипс жиынтықтарын шығару үшін Qazbuka жобасы және жер бедерінің 3D модельдерін құруға және 3D басып шығаруға арналған 3Dcontrol.kz жобасы қолға алынды. Дөңгелек үстелдің тақырыбы тыңдаушылар арасында үлкен қызығушылық тудырды. Атап айтқанда, стартаптарға қаражат жинаудың заманауи тәжірибесі, бизнес идеяларды жүзеге асырудың құқықтық жолдары, сондай-ақ жаңадан бастаған кәсіпкерлерге қажетті жеке қасиеттер жайында студенттер мен жастар тарапынан түрлі сұрақ қойылды.А.ЖАСАН